English
Meklēšana

Web-lapas karte
Aktualitātes - Vispārīgās
13.12.2010
„Aulejis sīvom 70” i disks „Aulejis anekdoti”

„Aulejis sīvom 70” i disks „Aulejis anekdoti”

2010. goda junī Rēzeknis Augstsškolys (RA) studenti i pasnīdzieji beja folklorys ekspedicejā Aulejis pogostā. Nu jau ūtrū godu piec kuortys folklorys praksis materiali teik apkūpuoti DVD formatā, stuostūt par vītu, kurā folklora vuokta, par tuos tradicejom i ļaudim, kai ari paruodūt kaida folklorys žanra specifiku. Itamā reizē tuos ir anekdotis.

Nav jau tai, ka nu nadaudz vairuok kai 500 folklorys vīneibom, kas savuoktys Aulejis pogostā, byutu tikai anekdotis, jūku stuosti, bet tū, ka smīkli, smīšonuos paliedz dzeivuot, aplīcynuoja i Aulejis stuosteituoji.

Saguoja tai, ka itys gods ir ari jubilejis gods Aulejis sīvom, partū ari Aulejis vizītkartē īraksteitais, ka Aulejai ir sovys pazeišonuos zeimis – sv.Marijis Magdalenys bazneica, Aulejis sīvys, Aulejis kļockys i vorčiki – RA izdūdamajā materiālā tyka eipaši atzeimāts.

Pasuokumā pīsadola Kruoslovys nūvoda folklorys kūpys „Izvoltīši”, „Rudzutaka”, „Rauduvīte” i Kombuļu sīvu ansambļs, ar eipašu duovonu brauc deju kūpa „Dziga” i „Dzigys muzykanti”, kai ari RA studenti i docātuoji, kas prezentēs DVD „Aulejis anekdoti”.

Diska izdūšonu ir atbaļstejs Vaļsts Kulturkapitala fonds, vaļsts piedejumu programma "Nacionālā identitāte", Rēzeknis Augstškola.

Īpazeisim Auleji kūpā i vēlēsim Aulejis sīvom vēļ divtik gaudeņu bolsu dzīduošonā i tradiceju kūpšonā!

                                                                                    Ilga Šuplinska,

                                                                                    ekspedicijis dalineica





RA Kontaktinformācija
Rēzekne, Atbrīvošanas aleja 90
LV-4601

Tālrunis: +371 64623709
Fakss: +371 64625901

 

Uz lapas sākumu

© Rēzeknes Augstskola
Visus jautājumus un ierosinājumus
sūtiet uz web@ru.lv