English
Meklēšana

Web-lapas karte
Aktualitātes - Vispārīgās
09.06.2009
Logo konkurss „Marijai Andžānei–100”

Logo konkurss „Marijai Andžānei–100”
Kotram nu muys ir īspieja padariet dzejneicys atceris pasuokumus kruošņuokus i naaizmierstamuokus. Rēzeknis Augstškola sadarbeibā ar Šķaunis biblioteku, kur ari atsarūn dzejneicys memorialuos ustobys ekspoziceja, izsludynoj logo konkursu „Marijai Andžānei - 100”. Konkursa nūsacejumi:

  1. Daleibnīki vacumā nu 10 leidz 25 godim.
  2. Kotrs pīduovoj sovu skatejumu iz Marejis Andžānis lūmu i nūzeimi latgalīšu literaturys kontekstā, sovu ideju uzzeimejūt malnboltā ci divu kruosu zeimejumā.
  3. Logo zeimejumam pīvīnoj ari nalelu aprokstu, skaidrojūt, pamatojūt izvālātū simboliku, elementus logo.
  4. Atsevišķā aplūksnē pīvīnojamys zinis par autoru: vuords, uzvuords, vacums, adrese, kontakti.
  5. Konkursa laiks: 08.06.2009.–08.08.2009.
  6. Uzvarātuoji tiks apbalvuoti M. Andžānis atceris pasuokumā Šķaunē 2009. goda 12.septembrī. Lobuokū dorbu plānuots nūdrukuot i izmantuot kai dzejneicys darbeiguo myuža i memorialuos ustobys vizītkarti.
  7. Dorbi īsyutami pa postu: Šķaunis biblioteka, Šķaune, Kruoslovys rajons, LV 5695 voi Filologejis katedra, Atbreivuošonys aleja 115, Rēzekne, LV 4600; ar nūruodi Marejis Andžānis logo konkursam.

Radūšom idejom apmeklej dzejneicys memorialū ustobu Šķaunē voi paskait autoris gruomotys! Vari ari pasekuot Sovvaļnīka muzykys albuma izīšonai, kas izreiz piec Juoņu varātu byut pi klausietuoju. Tī byus ari Marejis Andžānis dzymtūs vītu videostuosts i ar juos vuordim komponātys dzīsmes.
Vosorā sauli var uzburt dorūt lobus dorbus. Par kū tod na itū? Lai Tev gona saulis i īdvasmys!

Ilga Šuplinska,
bejušuo šķaunīte, RA pasnīdzieja



Šķaunes pagasta padomes ēka, kur atrodas
M.Andžānes memoriālā istaba.




RA Kontaktinformācija
Rēzekne, Atbrīvošanas aleja 90
LV-4601

Tālrunis: +371 64623709
Fakss: +371 64625901

 

Uz lapas sākumu

© Rēzeknes Augstskola
Visus jautājumus un ierosinājumus
sūtiet uz web@ru.lv