English
Meklēšana

Web-lapas karte
Aktualitātes - Studentu dzīves aktualitātes
08.02.2012
Vasali Baļtinovā!

Vasali Baļtinovā!

2012. goda 20. janvārī Baļtinovas kultūras nomu pylnu puļceja latgalīšu jaunīšu večerinka „Vasali Baļtinovā”, kuru organizieja Baļtinovas vydsškolas interešu pulceņš „Latgola – zeme, tauta, volūta”.

Latgalīšu saītā pīsadaleja jaunīši nu septeņīm Latgolas nūvodīm – Baļtinovas, Bolvu, Ruguoju, Viļakas, Kuorsovas, Riezeknes i Dagdas nūvoda. Kūpā ar baļtinovīšīm beja jaunīši nu Ruguoju, Tiļžas, Kuorsovas, Dagdas i Nautrānu vydsškolas, Riezeknes Augstškolas (RA) i Upītes.

„Večerinka Baļtinovā” nūtyka trešū reizi i beja vyskupluok apmaklāta. Pyrmuo „Večerinka Baļtinovā” nūtyka 2006. goda apreļī, ūtruo – 2007. goda decembrī. Šūreiz daleibnīku vydā beja arī Baļtynovas vydsškolas absolventi, kas sovulaik bejuši latgalīšu pulceņa aktīvisti i paši organiziejuši pyrmuos večerinkas. Pa vydu konkursīm i cytom aktivitātem daleibnīkus uzrunova latgalīšu volūdnīce Ilga Šuplinska nu Riezeknes Augstškolas, dzejnīks Juoņs Ryučāns nu Daugovpiļs, Baļtinovas nūvoda dūmes prīkšsādātuoja Lidija Siliņa, uzastuoja Guntis Rasims jeb DaGunchi nu grupas „BezPVN”, Laura Bicāne nu Daugavpiļs i Jurs Vucāns nu grupas „Likteneigais pagrīzīns iz Vainovu”.

Pasuokuma organizatori – latgalīšu pulceņš i vadeituojs Imants Slišāns – pasateic labdarim, kas večerinku atbaļsteja finansiāli i materiāli.

Riezeknes Augstškolas komandas kūdulu veidova studenti, kas absolviejuši Baļtinovas vydsškolu. Komandā pīzadaļieja – Marta Zvejsalniece (1. kurss), Guntis Pundurs (3. kurss), Dace Ločmele (4. kurss), Rolands Keišs (1. kurss), kai arī Ēriks Začs, kas pats nūsmieja, ka ir myužeigais Riezeknes Augstškolas students.

Kai muojas dorbs, lai pīzadaļeitu pasuokumā, kotrai komandai vādzieja sagatavuot prezentāceju par sovu školu. Prūtams, arī mums – Riezeknes Augstškolas komandai – beja sagatavuota prezentāceja. Beja arī daudz vysaidu citu konkurseņu, kai, pīmāram, „Atpazeisti latgalīšu populāru cylvāku”.

Kūpumā rezultātus saskaitēja, bet vītas tai i nasadaļieja, jū organizatori sacieja: „Golvanīs – latgaliskuo vīnuoteiba”. RA komandai konkursu gaitā rezultāti beja ļūti lobi.

Pasuokums izadevuos vīnkuorši breinišķeigs i turpinuojums arī beja lobs. Piec pasuokuma beja disko baļļe, kai arī sadzīduošanuos ar Juri Vucānu i DaGunchi.

Rolands Keišs, RA 1. kursa students






RA Kontaktinformācija
Rēzekne, Atbrīvošanas aleja 90
LV-4601

Tālrunis: +371 64623709
Fakss: +371 64625901

 

Uz lapas sākumu

© Rēzeknes Augstskola
Visus jautājumus un ierosinājumus
sūtiet uz web@ru.lv